लुम्बिनी पत्र । बर्दियाकोराजापुरमा नि:शुल्क स्वास्थ्य शिविर सम्पन्न भएको छ। शिविरमा बर्दिया निवासी समाजसेवी एवम् भेरी अस्पताल नेपालगन्जका वरिष्ठ फिजिसियन डा. संकेत रिसाल को नेतृत्वमा रहेको चिकित्सक टोलीले स्वास्थ्य जांच गरेको छ । विगतमा राजापुरमा लामो समय शिक्षा प्रदान गरेको श्री गणेश बाबा बोर्डिङ स्कुलका पुर्व विद्यार्थीहरुले उक्त स्वास्थ्य शिविर गरेका हुन्। करिब डेढ दशकदेखि नेपालगन्जमा विभिन्न इभेन्ट गर्दै आएको एक्स जेनेरेसन, नितेश कन्स्ट्रक्सन राजापुर बर्दिया,तुलसी निर्माण सेवा बर्दिया,राजापुर राइस मिल राजापुरको आयोजनामा उक्त शिविर भएको एक्स जेनेरेसनका प्रेसिडेन्ट संयोगजंग शाहले बताए। राजापुर वासीहरुलाई स्वास्थ्य सम्बन्धि जानकारी दिने र भेरी अंचल अस्पतालका दक्ष चिकित्सकहरुद्वारा स्वास्थ्य जाँच गराउने उद्देश्य आयोजना गरिएको शिविर राजापुर उद्योग वाणिज्य संघ बर्दियाको प्राङ्गणमा भएको छ। शिविरमा फिजिसियन डा. संकेत रिसाल, डा.पारस श्रेष्ठ , स्त्रीरोग बिशेषज्ञ डा. नवीन बुढाथोकी, न्युरो सर्जन डा. हरी पौडेल को टिम छ। यो शिविरमा चेकजाच र ...
लुम्बिनी पत्र बर्दिया। लागुऔषध नियन्त्रणमा बर्दिया प्रहरीलाई अर्को ठूलो सफलता प्राप्त भएको छ। ट्राफिक चेक जाँचका क्रममा कार्तिक ३० गते साँझ बर्दिया प्रहरीले गुलरिया बजारको भन्सार रोडमा चरेस बोकेर हिँडिरहेका ५ जनालाई पक्राउ गरेको हो। प्रहरीले उनीहरूबाट २० लाख मूल्य बराबरको ५८ किलोग्राम चरेस बरामद गरेको हो। जिल्ला प्रहरी कार्यालय बर्दियाका प्रहरी निरीक्षक लक्ष्मण ओलीले चरेस लुकाएर गुलरिया ल्याउँदै गरेको अवस्थामा उनीहरूलाई टाँगा स्टेसन नजिकै पक्राउ गरिएको जानकारी दिए । ५८ किलो चरेस सहित बर्दियामा पक्राउ पर्नेहरुमा रोल्पा र रुकुम का ५ जना रहेको प्रहरी निरीक्षक लक्ष्मण ओलिको भनाइ छ।पक्राऊ पर्नेमा पूर्वी रुकुम का २६ वर्षीया अस्मिता रामजालीमगर,३४ वर्षीया ठानी मगर, २७ वर्षीया जूनतारा पुन, ३४ वर्षीय रामकुमार पुन र रोल्पाका २९ खिम प्रसाद रोका रहेका छन्। पक्राऊ परेकाहरुबाट ५ थान मोबाइल सेट, ३२ हजार नगद समेत फेला परेको र उनीहरूलाई आवश्यक अनुसन्धानका लागि जिल्ला प्रहरी कार्यालय बर्दियाको हिरासतमा राखिएको छ।
Comments
Post a Comment