लुम्बिनीपत्र

लुम्बिनी पत्र । जय जग्दम्बें हाउसका प्रोप्राइटर, नेपाल वन पैदावार व्यवसायी संघ बर्दियाका महासचिव युवा समाजसेवी सन्तोष अर्याल (नेत्र) ले खेलाडीहरूको उत्साह बढाउन खेलकुद सामग्री सहयोग गरेका छन्।  खेलकुद, औषधि विज्ञान, स्वास्थ्य,वन तथा वातावरण संरक्षणमा चासो राख्दै आएका बर्दियाका युवा समासेवि अर्यालले विभिन्न क्लबमा आबद्ध खेलाडी हरुलाई  खेलाडीहरूलाई सामग्री वितरण गरेका हुन् । अर्यालले मधुवन ४ मा रहेको बर्दिया युवा स्पोर्ट्स क्लब मौवा, मधुवन २मा रहेको सगुन युवा क्लब बंगालिपुर  , चुरे जनजागृति युवा क्लब ठाकुर बाबा ५ बनबीरपुरमा आबद्ध ५१ जना खेलाडीहरूलाई फुटबल,भलीबल, जूता, नेट लगायतका खेलकुद सामग्री वितरण गरेका हुन् ।  जतिसुकै उतार चढावमा धैर्यता र लगाव नगुमाएमा सफलता अवस्य हात पार्ने मान्यता बोकेका अर्यालको समाजसेवाको काम आती प्रसंसनीय रहेको वडा अधक्ष्य बिन्ती राम थारुले बताए ।   बर्दियाको ठाकुर बाबा ९ हातिसारमा जन्मी   हाल नेपालगञ्जको कारकादोमा बस्दै आएका अर्यालले विगत ५ वर्षदेखि नै  क्लबहरु लाई खेलकुद सामग्री वितरण गर्दै आइरहेका छन।...

लुम्बिनी पत्र । हाम्रो आवाज चलेबेटी बेचबिखनबाट मुक्त समाज भन्ने मूल आदर्शका साथ काम गरिरहेको माइती नेपालले बर्दियाका सञ्चारकर्मीहरुसँग अन्तर्क्रिया गरेको छ। फ्री अ गर्ल को सहयोग र नेपाल पत्रकार महासंघ बर्दियाका समन्वय मा मानव वेचविखन तथा ओसारपसार नियन्त्रणका लागि सञ्चारकर्मीहरुसँग अन्तर्क्रिया गरिएको हो । नेपाल पत्रकार महासंघ बर्दियाका अध्यक्ष राजेन्द्रप्रसाद धितालको अध्यक्षतामा भएको कार्यकममा माइती नेपाल गुलरिया कार्यकम संयोजक गायत्री रिमालले मानव बेचबिखन को अवस्था बारे तथ्याङ्क प्रस्तुत गर्दै मानव  बेचबिखन नियन्त्रणका लागि सञ्चार कर्मीहरुको विशेष कलम चलाउनु पर्ने बताइन्।   अध्यक्ष धितालले मानव वेचविखन जस्तो जघन्य अपराध नियन्त्रण गर्न  सञ्चार माध्यमहरुलाई व्यापक परिचालन गर्न आग्रह गरे। 

लुम्बिनी पत्र । प्रदेश ५ सरकार र उद्योग पर्यटन वन मन्त्रालय, प्रदेश स्तरीय पर्यटन प्रबर्धन समितिको आयोजनामा नेपाल भ्रमण वर्ष सन् २०२० को प्रदेशस्तरीय शुभारम्भ कार्यकमको ठाकुरद्वारामा  राम्रो तयारी भएको छ। प्रदेश ५ का मुख्य मन्त्री शंकर पोखरेल ले उद्घाटन गर्ने कार्यकम को जिल्ला समन्वय समिति, स्थानीय तह, जिल्ला प्रशासन कार्यालय, नेपाल पत्रकार महासंघ प्रदेश समितिले सशक्त र राम्रो  तयारी गरेको उद्योग,वन तथा पर्यटन मन्त्रालयका शाखा अधिकृत टुक राज पाण्डेले बताए। तयारी राम्रो भएको, बाटोघाटो मर्मत भएको, गेट मंच हरु बनाउने काम सम्पन्न भएको मन्त्रालयका अधिकृत घिमिरेले बताए।  सन् २०२० नयाँ वर्षकै दिनमा प्रदेश सरकारका मुख्यमन्त्री शङ्कर पोखरेलबाट भ्रमण वर्ष शुभारम्भ हुने कार्यक्रमको तयारीका लागि प्रदेश स्तरीय पर्यटन समितिका सहसंयोजक माधव नेपाल, प्रदेश वन तथा वातावरण मन्त्रालयका महाशाखा प्रमुख महेन्द्र वाग्ले कार्यकम स्थल ठाकुरद्वारामा पुगी  तयारीका अवस्था बारे जानकारी लिएका छन्।  ठाकुरद्वाराका पर्यटन तथा होटल व्यवसायी समेत उत्साहित भई राम्रो तयारी गरेको बर्दियाका प्र...

लुम्बिनी पत्र । नेपाल भ्रमण वर्ष २०२० को सुरुवात को अवसरमा प्रदेश ५ सरकार, उद्योग पर्यटन तथा  वन मंत्रालय र नेपाल पत्रकार महासंघ प्रदेश ५ले बर्दियाको ठाकुरद्वारामा आयोजना गर्ने भ्रमण वर्ष सुरुवात र नेपाल पत्रकार महासंघ प्रदेश ५को साधारण सभाको तयारी अन्तिम चरणमा पुगेको छ।  विकास, समृद्धि र पर्यटनका लागि सञ्चार: प्रदेश ५ को समृद्धिको मूल आधार भन्ने मूल नाराका साथ यही पुस १६ र १७ गते वर्दियामा आयोजना गर्न लागिएको नेपाल पत्रकार महासंघ  प्रदेश ५को साधारण सभाको तयारी अन्तिम चरणमा पुगेको महासंघका प्रदेश अध्यक्ष मौसम रोक्काले बताए।  प्रदेश ५को प्रमुख पर्यटकीय स्थल बर्दिया राष्ट्रिय निकुञ्ज ठाकुरद्वारामा  हुने  नेपाल भ्रमण वर्ष २०२० को प्रदेश ५ मा सुरुवात र प्रदेश पत्रकार महसंघको साधारण सभा उद्धघाटन प्रदेश ५का मुख्य मन्त्री शंकर पोख्रेलले पुस १६ गते भव्य समारोहका बिच गर्ने  उद्घाटन गर्ने छन्।  मुख्यमन्त्री पोख्रेलले दिउँसो १ बजे भ्रमण वर्ष सुरुवातको र ३ बजे साधारण सभाको उद्घाटन गर्ने कार्यकम तय भएको  अध्यक्ष  रोक्काले बताए ।    ...

लुम्बिनीपत्र । ५ नं. प्रदेश प्रहरी कार्यालय तुल्सीपुर दाङका कार्यालय प्रमुख  प्रहरी नायब महानिरिक्षक सुरेश बिक्रम शाहले देशप्रेम राखी   राम्रो विचार लिएर काम गर्न प्रहरी अधिकारीहरूलाई निर्देशन दिएका छन् ।  १२ गते शनिबार जिल्ला प्रहरी कार्यालय गुलरिया, इलाका प्रहरी  कार्यालय राजापुर, इलाका प्रहरी कार्यालय मैनापोखर लगायतका प्रहरी इकाईहरुको निरिक्षण हरि कार्यरत प्रहरी कर्मचारीलाई आवश्यक निर्देशन दिँदै डी अाई जी शाहले राम्रो विचार,मिठो बाेलि बचन अनि निस्वार्थ भावनाले काम गर्न सुझाव दिए ।   हरेक कुरामा सादा जीवन उच्च विचार झल्कायाएर काम गर्नुपर्ने बताउँदै उनले  एउटा देशप्रेमि भित्र मान्छे नामले हाेइन बल्कि कामले ठुलो हुनुपर्ने बताए । प्रहरी नायब महानिरीक्षक  शाहले बर्दियाको सुरक्षा अवस्था बुझ्दै नैतिकवान र इमान्दार भएर आफ्ना गतिविधि सञ्चालन गर्न प्रहरी अधिकारीलाई निर्देशन दिए।     निरीक्षणका क्रम मा  डी आई जी शाहले भौतिक अवस्था, प्रहरीको आवश्यक्ता लगायत बारे पनि जानकारी लिएका थिए ।  उनले बर्दियाका प्रजिअ प्रेमलाल...

लुम्बिनी पत्र । अख्तियार दुरुपयोग अनुसन्धान आयोगको नेपालगञ्जस्थित सम्पर्क कार्यालयमा स्थानीय तहका उजुरी धेरै परेका छन्। बाँके, बर्दिया र दाङ कार्य क्षेत्र रहेको अख्तियारको नेपालगञ्जस्थित सम्पर्क कार्यालयमा आर्थिक वर्ष २०७६/७७ को पहिलो पाँच महिनामा परेका ४३३ उजुरीमध्ये करिब आधा स्थानीय तहका छन्। मङ्सिर मसान्तसम्म स्थानीय तहमा सङ्घीय मामिलातर्फ १३० र शिक्षातर्फ मात्रै ८५ वटा उजुरी अनुसन्धानमा रहेको अख्तियारको नेपालगञ्जस्थित कार्यालयका प्रमुख गणेश गैरेले जानकारी दिए। उनका अनुसार, अख्तियारमा स्थानीय तहपछि सबैभन्दा बढी उजुरी वन र वातावरण क्षेत्रका ५० वटा रहेका छन्। भूमि व्यवस्था, सहकारी तथा गरिबी निवारण मन्त्रालयअन्तर्गतका ३४ वटा र प्रदेशअन्तर्गत भूमि व्यवस्था, कृषि तथा सहकारी मन्त्रालयअन्तर्गतका १५ र गृह मन्त्रालयअन्तर्गतका १३ वटा उजुरी चालु आर्थिक वर्षको मङ्सिरसम्म परेका छन्। काम गर्ने कार्यविधि, ठेक्का प्रणाली, मापदण्ड, उपभोक्ता समिति गठनका विषयहरु उजुरीका रुपमा आएको कार्यालय प्रमुख गैरेको भनाइ छ। अहिले स्थानीय तहमा शिक्षा गएपछि उजुरी आउने क्रम थपिएको र विकासमा गुणस्तर, परिणा...

लुम्बिनी पत्र। अत्याधिक चिसो बढ्दै गएपछि गुलरिया नगरपालिकाका वडा नम्बर १० थारु पर्सियाका विपन्न परिवारलाई कम्बल वितरण गरिएको छ। जिल्ला विपद् व्यवस्थापन समितिको पहलमा नेपाल रेडक्रस सोसाइटी शाखा बर्दियाको सहयोग र गुलरिया नगरपालिकाको समन्वयमा जिल्ला विपद् व्यवस्थापन समितिका अध्यक्ष प्रजिअ प्रेमलाल लामिछाने,गुलरिया  नगरपालिकाका मेयर मुक्तिनाथ यादव, सशस्त्र प्रहरी उपरीक्षक यादव विश्वकर्मा, प्रहरी निरीक्षक नर बहादुर खड्का, रेडक्रस सभापति कृष्ण गौतम,  वडा अध्यक्ष विरेन्द्र चौधरी,निरज शर्मा, प्राविधिक अर्जुन लम्सालले थारु  समुदायका २०० जनालाई कम्बल वितरण गरेको रेडक्रस शाखा बर्दियाले जनाएको छ। गुलरिया  नगरपालिका वडा नम्बर १० मा १०० घरधुरीका २ सय जनालाई कम्बल बाँडिएको हो। यस्तै अन्य विपन्न बस्तीमा पनि कम्बल वितरण गरिने तयारी भइरहेकोे प्रमुख जिल्ला अधिकारी प्रेमलाल लामिछानेले बताए।   अत्याधिक चिसो बढ्दै गएपछि विपन्न बस्तिका सुत्केरी,वृद्ध,महिला,बालकलाई चिसोबाट बच्नका लागि कम्बल वितरण गरिएको  वडा अध्यक्ष विरेन्द्र चौधरीले बताए ।  चिसो मौसममा कम्बल...

लुम्बिनी पत्र। सवारी दुर्घटना न्युनीकरण गर्न बर्दियामा ट्राफिक प्रहरीले चम्कने स्ट्रीकर लगाउने अभियान सुरु गरेको छ।  चिसो मौसममा बाक्लो मात्रामा हुस्सु लाग्दा हुने दुर्घटना रोकथाम गर्न ट्राफिक प्रहरीले ट्याक्टरको बयल गाडा, अटो रिक्सा, साइकलमा ‘रिफ्लेक्टर स्टिकर’ टाँस्ने अभियानलाई ब्यापकता दिएको छ । आजदेखि सञ्चालन भएको अभियानका क्रममा गुलरियामा प्रमुख जिल्ला अधिकारी प्रेमलाल लामिछाने, प्रहरी नायव उपरीक्षक विश्वराज खड्का, ट्राफिक प्रमुख लोकेन्द्र मल्ल,लायन्स क्लब अफ बर्दियाका अध्यक्ष माधव कुवर, पुर्ब  अध्यक्ष शमनोज कुमार वर्मा, जिल्ला स्थित बिभिन्न प्रा.ली.का पदाधिकारीहरु,स्थानीय ब्यक्तित्वहरुले  अटो रिक्सा , साइकल, बयल गाडामा  रिफ्लेक्टर स्टिकर टाँसेका छन् ।  पुस ९ गते समुदाय प्रहरी साझेदारी कार्यक्रम अन्तर्गत जिल्ला प्रहरी कार्यालय बर्दिया सामुदायिक सेवा केन्द्र र यस कार्यालयको आयोजना तथा लायन्स क्लब अफ बर्दियाको सहकार्यमा  जिल्ला बर्दिया गुलरिया न.पा.०७ सहिदगेट स्थित राजापुर - नेपालगंज सडक खण्डमा हुस्सुका कारण हुनसक्ने सवारी दुर्घटनालाई न्युनिकरण ग...

लुम्बिनी पत्र। मधुवन नगरपालिकाले  फुटबल खेल जित्ने खेलाडीहरुलाई सम्मान गरेको छ । बर्दियाको बढैयातालमा सम्पन्न पालिकास्तरीय फुटवल प्रतियोगितामा  प्रथम भएका खेलाडीहरुलाई नगरपालिकाले सम्मान गरेको हो । खेलाडीहरुलाई प्रदेश सांसद कुलप्रसाद पोख्रेल ,मधुवन नगरप्रमुख गणेश बहादुर क्षेत्री, उपप्रमुख शुव रानी थारुले प्रशंसापत्र,नगद, खादा,अबिर सहित सम्मान गरेका हुन्।      बढैयातालमा गत पुष ६ गते सम्पन्न खेलमा जिल्लाकै पालिकाहरु मध्येमा प्रथम हुँदै मधुवन नगरपालिकाले एक लाख राशी बराबरको पुरुस्कार जितेको थियो ।फुटवल खेलको फाईनलमा बाँसगढी नगरपालिकालाई ट्राइवेकरमा ३–२ले पराजित गर्दै मधुवन नगरपालिका प्रथम भएको थियो । बर्दियाको बढैयाताल गाउँपालिकाको कालिका सामुदायिक पुस्तकालय तथा स्रोत केन्द्रको आयोजनामा भएको प्रतियोगितामा मधुवनका क्याप्टेन प्रकाश विसि म्यान अफ द सिरिज घोषणा भएका थिए भने वेष्ट गोलकिपर मधुवन कै लक्ष्मण विसि भएका थिए भन बेष्ट डिफेन्सको उपाधी सुदिप घर्तीले पाएका थिए । प्रतियोगितामा प्रथम मधुवन नगरपालिकाले एक लाख र दोस्रो बाँसगढी नगरपालिकाले ६० हजार राशी पुरुस्...

लुम्बिनी पत्र। नेपाल पत्रकार महासंघ जिल्ला शाखा बर्दियाले सकृय पत्रकारहरुका लागि नयाँ सदस्यता आव्हान गरेको छ। महासंघको बिधानवमोजिम नयाँ सदस्यता आब्हान गरिएकोनेपाल पत्रकार महासंघ जिल्ला शाखा बर्दियाका अध्यक्ष राजेन्द्र प्रसाद धितालले लुम्बिनी पत्र दैनिकलाई बताए।  पुष ८ गते बसेको कार्य समितिको निर्णय अनुसार  रित पुगेका पत्रकारहरुबाट पुष मसान्त भित्र आवेदन पेश गर्नुपर्ने अध्यक्ष धितालको भनाइ  छ ।  महासंघमा आवद्ध सबै सदस्यहरुले आ.व ०७६/०७७ सम्मको सदस्यता नविकरण गर्न समेत नेपाल पत्रकार महासंघ बर्दिया शाखाले सबैमा जानकारी गराएको छ। 

लुम्बिनी पत्र। नेपाल रेडक्रस सोसाइटी जिल्ला शाखा बर्दियाले गुलरिया नगरपालिकामा रहेको स्थानीय आपतकालीन कार्यसञ्चालन केन्द्रलाई सामग्री सहयोग गरेको छ।  बिश्व खाद्य कार्यकमको सहयोगमा नेपाल रेडक्रस सोसाइटी जिल्ला शाखा बर्दियाले सो सहयोग प्रदान गरेको हो। रेडक्रस जिल्ला शाखा सभापति कृष्ण प्रसाद गौतमले गुलरिया नगर प्रमुख मुक्तिनाथ यादव,प्रमुख प्रशासकीय अधिकृत राम चन्द्र पौडेललाई पुस ८ गते ति सामग्रीहरू हस्तान्तरण गरेका हुन्। पुर्व अनुमानमा आधारित पुर्व तयारी कार्यकम अन्तर्गत स्थानिय आपतकालिन कार्य संचालन केन्द्र लाइ सामाग्री हस्तान्तरण कम्प्युटर, स्मार्ट एल ई डी टीवी र लाईफ जाकेट,खोज तथा उद्धार सामग्री हस्तान्तरण गरिएको जिल्ला शाखा अधिकृत हरि के सी ले बताए।  

लुम्बिनी पत्र।से १ ख ११५१को ट्रकमा भारत तर्फ गइरहेको १०००वटा ठेकी बर्दिया प्रहरीले बरामद गरेको छ। बर्दियाको जमुनी बाट पुस ७गते बेलुका ६भारतीय र १नेपाली सहित ७जना लाई ३लाख मूल्य बराबरको काठको ठेकी सहित उनीहरुलाई पक्राउ गरिएको बर्दियाका प्रहरी प्रमुख राजेश नाथ बास्तोलाले बताए। ट्रक  ठेकी सहित६ वटा साइकल समेत बरामद गरेको प्रहरी निरीक्षक नर बहादुर वली ले बताए। 

लुम्बिनी पत्र। अनौपचारिक क्षेत्र सेवा केन्द्र इन्सेक बर्दियाले नेपाल मानव अधिकार वर्ष पुस्तक २०२० को  वार्षिक सम्पादन पूर्व समीक्षा कार्यकम  सम्पन्न गरेको छ। प्रमुख जिल्ला अधिकारी प्रेमलाल लामिछाने को प्रमुख आतिथ्यतामा  भएको कार्यक्रममा नेपाल पत्रकार महासंघ बर्दियाका अध्यक्ष राजेन्द्र प्रसाद धिताल, प्रहरी निरीक्षक नर बहादुर खड्का, बर्दिया जिल्ला बारका सचिव लक्ष्मी  नेपाल, लुम्बिनी पत्रका प्रकाशक सम्पादक यम घिमिरे कार्यकममा  प्रतिवेदन प्रस्तुत गर्दै इन्सेक बर्दियाका जिल्ला प्रतिनिधि मान बहादुर चौधरीले  सन् २०१९ जुन देखि डिसेम्बरसम्म ९८ वटा घटना लिपिबद्ध गरेको र सो घटनाबाट १ सय २५ जना पीडित भएको जानकारी दिए।  इन्सेकको तथ्याङ्कमा  २०१९मा वर्दियामा गैर राज्य पक्ष व्यक्तिबाट ६वटा महिलाको हत्या र १ पुरुष, १ बालिका र १बालकको हत्या प्रयास भएको   देखिन्छ। प्रतिवेदन अनुसार बलात्कार २४ वटा  र बलात्कार तथा बलात्कारको प्रयास यौन दव्र्यवहारमा ४४ वटा भएको देखिन्छ । सन् २०१९ मा मानव बेचबिखन तथा ओसार पसार तथा वेचविखन को घटना ४,महिला माथि भएको दु...

लुम्बिनी पत्र। समृद्ध बर्दियाको प्रमुख आधार व्यापार,कृषि, पर्यटन संस्कृति र पूर्वाधार भन्ने मूल नाराका साथ खाद्यान्न उत्पादनमा अग्रस्थानमा रहेको राजापुरमा  बर्दिया माघी महोत्सव हुने भएको छ। बर्दियाको राजापुरमा पुस २८ देखि माघ ८ सम्म महोत्सव गर्न लागेको आयोजक बर्दिया उद्योग बाणिज्य संघ राजापुरका अध्यक्ष कृष्ण रेग्मीले बताए।  पुस ६ गते संघ परिसरमा पत्रकार सम्मेलन गरी कृषि,पर्यटन विकास र एतिहासिक क्षेत्रको जगेर्ना गर्न र सबै क्षेत्रमा राजापुरलाई अग्रस्थानमा ल्याउन र गरीब विद्यार्थी छात्रवृति कोष स्थापन गर्न महोत्सव आयोजना गर्न लागिएको  अध्यक्ष रेग्मीले बताए । रमणीय पर्यटकिय स्थल, प्राचीन बजार, मठ मन्दिर समेत रहेको विविध येतिहासिक सांस्कृतिक विविधताले भरिपूर्ण राजापुरमा बर्दिया महोत्सव हुन् लागेको यस क्षेत्रका स्थानीय व्यापारी खुसी छन्। बर्दिया उद्योग वाणिज्य संघ का अध्यक्ष रेग्मीको नेतृत्वमा हुन् लागेको महोत्सव सफल पार्न आफूहरुले तन्,मन,धन दिएर सहयोग गर्ने  उपाध्यक्ष चन्द्रेश्वर सुवेदी,सचिव केदार थापा, कोषाध्यक्ष गंगाराम चौधरी, कार्यसमिति सदस्य सुनिल दहित,  विश...

लुम्बिनी पत्र ।गेरूवा गाउँ पालिकाकोको कार्यालयको सहयोगमा गाउँपालिकाको केन्द्र गेरूवा ५ पथरैयामा नवनिर्मित पशुपतिनगर प्रहरी चौकी भवनको उद्घाटन गरिएको छ।  समुदाय प्रहरी साझेदारी अन्तर्गत नवनिर्मित चौकी भवनको बर्दियाका प्रजिअ प्रेमलाल लामिछानेले पुस २ गते शनिबार  उद्घाटन गरेका हुन्। गेरूवा गाउँपालिका कार्यालयको  १६लाख अनुदान सहयोग र स्थानीय जन सहभागिता  ३लाख ४हजार ४२३ गरी जम्मा १९लाखको लागतमा    सहयोगमा उपभोक्ता समितिले प्रहरी चौकी भवन निर्माण गरेको हो । ३ कोठे भवनमा कार्यालय, व्यारेक, मेष र शौचालय रहेको छ । कार्यक्रममा प्रजिअ प्रेम लाल लामिछाने, प्रहरी उपरीक्षक राजेश नाथ बास्तोला, गेरूवा गाउँपालिकामा प्रमुख प्रशासकीय अधिकृत काशी प्रसाद पंगेनी लगायतले मन्तब्य ब्यक्त गर्दै प्रहरी चौकी स्थापनाले पथरैया का नागरिक,जनप्रतिनिधि,कर्मचारी सबैले सुरक्षाको अनुभूति गरी विकासले गति लिने विश्वास व्यक्त गरे। उनीहरूले चौकी स्थापनामा महत्त्वपूर्ण भूमिका खेलेका गेरूवा ४ घर भई हाल गृहमन्त्रालयमा सूचना अधिकारी रहेका उमाकान्त अधिकारीलाई धन्यवाद समेत दिए। गेरूवा गाउँपालिका...

लुम्बिनी पत्र। मधुवन नगरपालिकाको आयोजना र गुराँस मा. वि. सानोश्री को  सह आयोजनामा विद्यालय अन्तर तेश्रो मेयर कप तथा १२ औं राष्ट्रिपति रनिङ शिल्ड प्रतियोगिताको खेलाडी छनौट कर्यक्रमको समापन भएको छ । स्वास्थ्यको लागि खेलकुद राष्ट्रको लागि खेलकुद भन्ने नाराका साथ सो कार्यकम मंसिर २६ गते सुरु भई पौष २ गते सम्पन्न भएको हो । मधुवन नगरप्रमुख गणेश बहादुर क्षेत्रीकाे अध्यक्षता र प्रतिनिधी सभा सदस्य विमला बि क को प्रमुख आतिथ्यमा सो कार्यकम भएको हो।समापन कार्यकममा प्रजिअ प्रेम लाल लामिछाने, प्रहरी उपरीक्षक राजेश नाथ बास्तोला, सशस्त्र प्रहरी उपरीक्षक यादव विश्वकर्मा, राष्ट्रिय अनुसन्धान उपनिर्देशक योगेन्द्र के सी लगायतको उपस्थिती थियो कार्यकमलाई सम्बोधन गर्दै मधुवन नगर प्रमुख गणेश बहादुर केसीले शिक्षा, स्वास्थ्य र रोजगारी तथा उत्पादनमूलक क्षेत्रलाई आफूले प्राथमिकतामा राखेर काम गर्ने प्रतिबद्दता जनाए। खेलकुदको बिकासका लागि विद्यालय तहबाट नै सुरुवात गर्नुपर्ने बताउदै  खेलको बिकास गर्नको लागि पाठ्यक्रम नै निर्माण गरेर विद्यालयहरु अघि बढ्नु पर्ने बताए।प्रजिअ प्रेमलाल लामिछानेले मेयर कप तथ...

लुम्बिनी पत्र। बैंक,वित्तीय संस्था तथा सहकारीहरुले मनोमानी ढंगमा व्याजदर बढाउने गरेको गुनासो चौतर्फी उठिरहेका बेला बर्दिया प्रहरी प्रशासनले बैंक तथा वित्तीय संस्थाको काम कारबाही बारे चासो लिएको छ। प्रजिअ प्रेम लाल लामिछाने, प्रहरी उपरीक्षक राजेश नाथ बास्तोलाले जिल्ला भरमा कृयासिल बैंक, सहकारी,वित्तीय संस्थाका प्रबंधक,व्यवस्थापक,सञ्चालकहरुलाई बोलाएर मनोमानी किसिमले ब्याज नलिन, पारदर्शी र नियम बमोजिम ऋण प्रवाह गर्न, ऋण लिन चाहनेलाई छिटो छरितो  ऋण प्रवाह गर्न निर्देशन दिएका छन। समुदाय प्रहरी साझेदारी अन्तर्गत प्रजिअ लामिछाने र प्रहरी उपरीक्षक बास्तोलाले क, ख र ग वर्गका बैंक तथा वित्तीय संस्थाहरूलाई जारी गरिएको एकीकृत निर्देशन २०७५ मा संशोधन गरी राष्ट्र बैंकले  एक बर्षभन्दा बढि भुक्तानी अवधि भएको आवधिक प्रकृतिको ऋणमा स्थिर ब्याज दर कायम गर्न सकिने प्रावधान बारे स्मरण गराए।  बैंकले ग्राहकसँगको सहमतिमा स्थिर ब्याज दर राख्नु पर्ने हुन्छ प्रजिअ लामिछाने ले  स्थिर ब्याजदर तोकिएको अवस्थामा ऋण अवधिभर बैंकको ब्याजदर परिवर्तन भएपनि सहमति गरेका ऋणीको ब्याजदर परिवर्तन गर्न नपाइ...

लुम्बिनी पत्र। नेपाल पत्रकार महासंघ ५ नम्बर प्रदेश कार्यसमितिका पदाधिकारीहरु बर्दिया पुगेका छन्।  यही पुस १६ र १७ गते बर्दियाको ठाकुरद्वारामा आयोजना हुने नेपाल पत्रकार महासंघ प्रदेश कार्यसमितिको साधारण सभाको तयारीका लागि प्रदेश अध्यक्ष मौसम रोक्का मगर,महासचिव भेषराज बस्नेत, कोषाध्यक्ष गणेश वली सहितको टोली बर्दिया पुगेको हो। प्रदेश अन्तर्गतका १२जिल्लाको नेपाल पत्रकार महासंघको संस्थागत विकास,सुशासन, विकास गतिविधि पत्रकार आचारसंहिता बारे पनि  साधारण सभाले महत्त्व पूर्ण निर्णय गर्ने महासचिव भेषराज बस्नेतले बताए। विश्वकै प्रमुख पर्यटकिय गन्तव्य मानिएको बर्दिया राष्टिय निकुञ्ज लगायत वर्दियामा रहेका पर्यटकीय क्षेत्रको प्रचारप्रसारका लागि पनि बर्दियाको ठाकुरद्वारामा भेला राखिएको अध्यक्ष मौसम रोक्का मगरले बताए। भेलामा केन्द्र र प्रदेश कार्यसमितिका पदाधिकारीहरु, १२ जिल्लाका  जिल्ला कार्यसमितिका पदाधिकारी , प्रदेश पार्षद गरी ५०० जना पत्रकारहरुको सहभागिता हुनेछ। वर्दियामा नेपाल पत्रकार महासंघको प्रदेश साधारण सभा हुनु बर्दियाली पत्रकार,व्यवसायी, नेतागण, जनप्रतिनिधि,राष्ट्रसेवक कर्...

लुम्बिनी पत्र । राजापुर १ मा रहेको कालिका माविमा ३ वर्षे सर्वेक्षक र १८ महीने अमिन प्राविधिक शिक्षा स्थापनार्थ शैक्षिक, धार्मिक महोत्सव तथा धनधान्यान्चल ज्ञान महायज्ञ२०७६ सुरु भएको छ। कालिका माध्यमिक विद्यालय  चनौरामा सो धार्मिक महोत्सव तथा धन धन्यन्चल  महायज्ञ सुरु भएको  हो। मंसिर ९ गते सम्म चल्ने महायज्ञको प्रतिनिधी सभा सदस्य सन्त कुमार थारुले उद्घाटन गरेका हुन। शैक्षिक, धार्मिक महोत्सव तथा धन धन्यान्चल ज्ञान महायज्ञ२०७६ मूल समारोह समितिका संयोजक खुसीराम थारुको अध्यक्षतामा भएको कार्क्रममा प्रदेश सभा सदस्य राजेश थारु, राजापुर नगर प्रमुख शिव प्रसाद चौधरी, कांग्रेस नेता नाचुराम थारु, राजापुर उद्योग बाणिज्य संघका अध्यक्ष कृष्ण रेग्मीले महायज्ञ ले कालिका माविको शैक्षिक विकासमा सहयोग पुग्ने विश्वास व्यक्त गरे। 

लुम्बिनी पत्र। प्रदेश तथा स्थानीय तहमा समायोजित अधिकृतहरुले समायोजन संशोधन गरी आफूहरुलाई संघको दरवन्दीमा राख्न सामुहिक निवेदन दर्ता गराएका छन् । मन्त्रीबाट सकरात्मक आश्वासन पाएको भन्दै पछिल्ला तीन ब्याटका अधिकृतहरुले पाएपछि समायोजन संसोधनको लागि संघिय मामिला तथा सामान्य प्रशासन मन्त्रालयमा सामूहिकरुपमा समायोजन संशोधन निवेदन दर्ता गरेका हुन् । संघीय मामिला तथा सामान्य प्रशासन मन्त्री हृदयेश त्रिपाठीले समायोजित केही अधिकृतहरु मर्कामा परेको र उनीहरुका माग सम्बोधन गर्न आफू तत्पर रहेको बताएपछि १८० भन्दा बढी शाखा अधिकृतहरुले मन्त्रालयमा निवेदन दर्ता गराएको एक अधिकृतले प्रशासनलाई बताए । ‘कर्मचारी समायोजन ऐनको दफा ९ तथा १९ बमोजिम पुल दरवन्दीमा राखेर प्रदेश तथा स्थानीय तहमा कामकाज गर्न खटाउन सक्ने कानुनी व्यवस्था विपरित मन्त्रालयले बाध्यकारी ढंगले समायोजन गरेकोले समायोजन संसोधन गर्न संयुक्त रुपमा निवेदन पेश गरेका छौ’ निवेदनमा भनिएको छ । संघमा रिक्त दरवन्दी रहेको अवस्थामा निजामती सेवा ऐन, २०४९ बमोजिम नियुक्त भएका हामी कर्मचारीहरुलाई संघका सोही रिक्त दरवन्दीमा समायोजन संशोधन गरी व्य...

लुम्बिनी पत्र। बर्दिया प्रहरीले २ जनालाई लागू औषध चरेश सहित पक्राउ गरेको छ। पक्राउ पर्नेमा रोल्पा नगरपालिका ६का सृजन बि क र कल्पना बुढामगर पक्राउ परेका हुन्। उनीहरुलाई बढैया ताल २ फुटाहा बाट पक्राउ गरिएको प्रहरी निरीक्षक लक्ष्मण ओलीले बताए। प्रहरी चौकी जमुनाहाका प्रहरी नायब निरीक्षक धन बहादुर के सीको कमाण्डमा रहेको टोलीले विकबाट ८ किलो र बुढामगर बाट ९किलो गरी १७ किलो चरेस बरामद गरेको  प्रहरी निरीक्षक वली ले बताए। ताए। उनीहरुलाई भारतीय  रुपैयाँ (भारु) ५ हजार र दुई थान मोबाइल सेट बरामद गरेको जनाएकोछ । उनीहरुलाईबरामद सामानसहित जिल्ला प्रहरी कार्यालयले मंगलबार सार्वजनिक गरेको छ । दाङबाट बर्दिया हुँदै भारतको बलैगाउॅबाट दिल्ली जान लागेका दुबै जनालाई कारबाहीका लागि लागूऔषध ऐनअनुसार मुद्दा दायर गरि प्रहरी हिरासतमा राखी थप अनुसन्धान जारी राखेको बर्दियाका प्रहरी प्रमुख राजेश नाथ बास्तोलाले बताए।

लुम्बिनी पत्र । शान्ति, सुरक्षा र प्रतिवद्धता मूल नारा लिएको सशस्त्र प्रहरी बल नेपालले वर्दियामा सचेतामुलक अभियान सुरु गरेको छ। सशस्त्र प्रहरी बल नेपाल नम्बर ३१ हेड क्वार्टर बर्दियाले लागूपदार्थ दुर्व्यसन तथा सीमा अपराध नियन्त्र तथा सीमा सुरक्षा सम्बन्धी सचेतना अभियान सुरु गरेको हो। बोर्डर आउट रिच प्रोग्राम अन्तर्गत सशस्त्र प्रहरी बल नेपाल नम्बर ३१ हेड क्वार्टरले  बर्दियाको बढैयाताल १ जमुनी फुटाहाबाट सो अभियान सुरु गरेको सुरु गरेको सशस्त्र प्रहरी उपरीक्षक यादव विश्वकर्माले जानकारी दिए। प्रजिअ प्रेमलाल लामिछाने, बढैया ताल गाउँपालिका का अध्यक्ष लालबहादुर श्रेष्ठ, उपाध्यक्ष दीपा गौतम,  दीप ज्योति माविका प्रधानाध्यापक विश्व नाथ प्रसाद यादवले सशस्त्र प्रहरी बल नेपाल नम्बर ३१ हेड क्वार्टर बर्दियाले लागूपदार्थ दुर्व्यसन तथा सीमा अपराध नियन्त्र र सीमा सुरक्षामा महत्त्वपूर्ण भूमिका खेलेको र अभियानले सो कार्यमा अझ बढी सफलता मिल्ने विश्वास व्यक्त गरे । सशस्त्र प्रहरी बल  नेपालको एक अर्धसैनिक प्रकृतिको सुरक्षा निकाय हो। नेपाल सरकारले  नेपाली सेना  र  नेपा...

लुम्बिनी पत्र। हात्ती संरक्षणका लागि बर्दियामा राष्ट्रिय गोष्ठी गरिएको छ। बर्दिया राष्ट्रिय निकुञ्ज, राष्ट्रिय प्रकृति संरक्षण कोष, उज्यालो नेपालले पत्रकारहरुको लागि बर्दियाको गुलरियामा राष्ट्रिय गोष्ठी गरेको हो। गोष्ठीमा बर्दिया निकुञ्जका प्रमुख संरक्षण अधिकृत अणनाथ बरालले हात्ती  संरक्षण तथा मानव हात्ती सह अस्तित्वका लागि राहत सम्बन्धी ब्यवस्था र हात्ती व्यवस्थापन योजना निर्माण विषयमा कार्यपत्र प्रस्तुत गरे।नेपाल पत्रकार महासंघ जिल्ला शाखा बर्दियाका अध्यक्ष राजेन्द्र प्रसाद धिताल अध्यक्षतामा सम्पन्न कार्यकम सहायक संरक्षण असिम थापा , उज्यालो नेपालका अध्यक्ष   पूर्व संरक्षण अधिकृत रमेश थापा, लुम्बिनी पत्रका प्रकाशक सम्पादक यम घिमिरे २५जना पत्रकारको सहभागिता थियो।

लुम्बिनी पत्र। भूमि व्यवस्था, सहकारी तथा गरिबी निवारणमन्त्री पद्माकुमारी अर्यालले अनाधिकृत रुपमा दर्ता भएका तथा भू–माफियाले कब्जा गरेका सरकारी र सार्वजनिक जग्गाको बदर गर्ने अभियानको शुरुआत देशैभरी भएको बताएकी छिन्। बरहथवा नगरपालिकामा पर्ने हजरिया बारह बिघा क्षेत्रमा विभिन्न व्यक्तिहरुले गैरकानुनी किसिमले दर्ता गराएको १८ बिघा १५ कठ्ठा १३ घुर सरकारी जग्गा फिर्ता तथा दोहोरो श्रेस्ता रहेको १३ कठ्ठा जग्गाको दोहोरो श्रेस्ता खारेजीको घोषणा गर्दै अब यस्ता जग्गाको खोजीमा देशैभरी कडाई गरिने उनको भनाइ छ।सुकुम्वासी भूमिहिनलाई जमीनको मालिक बनाउनु आफ्नो पहिलो प्राथमिकता रहेको बताउदै  बरहथवानगरपालिकामा आज आयोजित एक कार्यक्रममा मन्त्री अर्यालले मुलुकमा कुनै पनि नागरिक अब भूमिहिन नरहने बताइन्। त्यसको लागि कानून बनाउन लागेको उनको भनाइ छ।  “लामो समयदेखि देखिँदै आएको भूमिसम्बन्धी समस्या समाधानका लागि सरकारले कडा कानून बनाउन लागेको छ”, “अव्यवस्थित बसोबासलाई व्यवस्थित बनाउँछौँ, भूमि व्यवस्थापन गरी उत्पादन बढाउछौँ, अब जनताले भूमिसम्बन्धी समस्या बोकेर लामो समय भौतारिनु पर्दैन ।”, मन्त्री अर्यालले...

लुम्बिनी पत्र।  ठाकुरबाबा नगरपालिका ६ का नेपाल तरुण दलका सदस्यले आफ्नो जन्मदिनको अवसरमा खर्च हुने रकम बचाएर दुर्घटनामा परेका दिपेस चौधरीलाई सहयोग गरेका छन्। ठाकुरबाबा नगरपालिका ६ का बब काजि भनेर चिनिने बिकास केसिले आफ्नो जन्मदिनको अवसरमा ठाकुरबाबा नगरपालिका ६ कै १९ बर्षका दिपेस चौधरीलाई नगद १० हजार रकम सहयोग गरेका हुन् । ६ महिना अगाडि सुर्खेतमा बाईक दुर्घटना भएर स्पाइनर कडको समस्याले ग्रसित चौधरीलाई उपचारमा थप केहि सहयोग मिलोस भनेर नगद १० हजार रकम सहयोग गरेको ठाकुरबाबा नगरपालिका ६ का बिकास केसिले बताए । जन्मदिनको अवसरमा आफन्त साथिभाई संग मिलेर गरिने फजुल खर्चलाई नियन्त्रण गरि दुखि गरिबलाई सहयोग गर्नु राम्रो काम भएको स्थानिय रिता खड्का ले बताइन्।

लुम्बिनी पत्र । मंसिर१२गते बर्दिया को राजापुर नगरपालिका वडा नम्बर ४ राजापुरबाट पक्राउ परी प्रहरी हिरासतमा रहेका नेपाल कम्युनिस्ट पार्टी विप्लवका अखिल क्रान्तिकारीका केन्द्रीय सदस्य राम बहादुर बि क ले विप्लव परित्याग गरी आत्मसमर्पण गरेका छन्। अछाम घर भई नेपाल कम्युनिस्ट पार्टी विप्लवका भेरी ब्युरो सदस्य र बर्दिया अध्यक्षको जिम्मेवारीमा समेत रहेका  बि क ले बर्दिया का प्रमुख जिल्ला अधिकारी प्रेमलाल लामिछाने, प्रहरी उपरीक्षक राजेशनाथ बास्तोला, सशस्त्र प्रहरी उपरीक्षक यादव बि क, राष्ट्रिय अनुसन्धान उपनिर्देशक योगेन्द्र के सी, नेपाल पत्रकार महासंघ बर्दियाका अध्यक्ष राजेन्द्र धिताल  लगायत सञ्चारकर्मी समक्ष नेपाल कम्युनिस्ट पार्टी विप्लव परित्याग गरेको घोषणा गरेका हुन्। सामान्य जीवन बिताउने घोषणा गर्दै उनले विप्लव त्यागेका हुन । बर्दियाका प्रहरी प्रमुख राजेश नाथ बास्तोलाको  नियमित फोलोआप निर्देशनमा सादा पोशाकमा  जि प्र का बाट खटिएको  प्रहरीले पक्राऊ गरेको थियो। अछाम कुर्माखान गाउँपालिका वडा नं.४ बस्ने बर्ष २९का बि क अखिल क्रान्तिकारीका बर्दिया जिल्ला अध्यक्षको जिम्म...

लुम्बिनी पत्र। कर्तव्यपालनको सिलसिलामा वीरगति प्राप्त गर्नुभएका ईलाका प्रहरी कार्यालय महेन्द्रनगर धनुषामा कार्यरत प्रहरी निरीक्षक स्व अमिर कुमार दाहालको शनिबार पशुपति आर्यघाटमा स-सम्मान दाहसंस्कार गरियो । पूर्व प्रधानमन्त्री झलनाथ खनाल, प्रहरी महानिरीक्षक सर्वेन्द्र खनाल, प्रहरी अतिरिक्त महानिरीक्षकहरूले स्व. दाहालको पार्थिव शरीरमा फूलमाला चढाई भावपूर्ण श्रद्धाञ्जली अर्पण गर्नुभयो । साथै प्रहरी नायव महानिरीक्षकहरु, सशस्त्र प्रहरी बल नेपालका वरिष्ठ प्रहरी अधिकृतहरु, वरिष्ठ प्रहरी अधिकृतहरु, पूर्व वरिष्ठ प्रहरी अधिकृतहरु तथा स्व. दाहालका परिवारजन एवं आफन्तजनले समेत स्व. दाहालको पार्थिव शरीरमा फूलगुच्छा चढाई भावपूर्ण श्रद्धाञ्जली अर्पण गर्नुभयो । प्रहरी निरीक्षक स्व. दाहालको सम्मानमा नेपाल प्रहरी संगीत विद्यालय समेतको टुकडीले अन्तिम सलामी र शोक सलामी अर्पण गरेको थियो । स्व. दाहालको पार्थिव शरीरमा उहाँका बुबा प्रकाश शर्मा दाहालले दागवत्ती दिनुभयो ।  धनुषा क्षिरेश्वरनाथ नगरपालिका-५ कुचियाही टोलमा गएराति शंकास्पद वस्तु विष्फोटन हुँदा गम्भीर घाइते हुनुभएका प्रहरी निरीक्षक दाहालल...

लुम्बिनी पत्र। भिजिट नेपाल २०२० र बाँसगढी नगरपालिकालाई २०७७/७८ भित्र पूर्ण सरसफाई युक्त नगर बनाउने लक्ष्यका साथ बर्दियाको बाँसगढी बजार सरसफाई गरिएको छ।  युन हेभिटेटको सहयोग, आइडी इस नेपाल र मायुस बर्दियाको सहजीकरण र बाँसगढी नगरपालिका र उद्योग वाणिज्य संघको आयोजनामा बजार सरसफाई गरिएको हो। क्लिन बाँसगढी, ग्रीन बाँसगढी र  सफा घर, स्वस्थ परिवार, सुन्दर ,समृद्ध गाउँ सहर बर्दियाको आफ्नै छ रहर भन्ने मूल नाराका साथ  बाँसगढी बजार सरसफाइ गरिएको हो।बर्दियाका प्रजिअ प्रेमलाल लामिछाने,प्रहरी उपरीक्षक राजेश नाथ बास्तोला,  बाँसगढी नगरप्रमुख शालिकराम अधिकारी, उप प्रमुख सुष्मा चौधरी, इलाका प्रहरी कार्यालय बाँसगढी का प्रहरी निरीक्षक इन्द्रजीत सुनुवार, उद्योग वाणिज्य संघका अध्यक्ष रामसिंह थारु, आई डी एस नेपालका कार्यकम संयोजक तारा बहादुर खाती, पालिका संयोजक अन्जु थापा, सामाजिक परिचालक कलावती चौधरी , युवा सञ्जालका अध्यक्ष समाजसेवी एकनारायण अधिकारी लगायतले झाडु लगाएर र फोहर टिपेर बजार सफा गरेका हुन् । अभियानमा बाँसगढी नगरपालिका नगरपालिका स्तरीय खानेपानी तथा सरसफाई स्वच्छता समन्वय समि...

लुम्बिनी पत्र। धनुषाको छिरेश्वरनाथ नगरपालिका–५ महेन्द्रनगर बजार नजिक बम विष्फोट हुँदा घाइते भएका प्रहरी निरीक्षक (इन्सपेक्टर)अमिर कुमार दाहालको पनि मृत्यु भएको छ । कोखामा छर्रा लागेर गम्भीर घाइते भएका दाहालको अस्पतालमा उपचारका क्रममा मृत्यु भएको हो । अस्पतालमा रहेका दाहाललाई शनिबार बिहान ६ः४० मा डाक्टरहरुले मृत घोषणा गरेका हुन् । महेन्द्रनगर बजारबाट उत्तरपूर्वतर्फ पर्ने कुचाइ टोलमा राजेश साहको घर बाहिर पोलमा राखिएको बम गएराति विष्फोट हुँदा राजेश र उनको छोरा आनन्दको मृत्यु भएको थियो । इन्सपेक्टर दाहालको पनि मृत्यु भएपछि बम विष्फोटमा ज्यान गुमाउनेहरुको संख्या तीन पुगेको छ । राजेश साहको घर बाहिरको पोलमा शंकास्पद वस्तु रहेको जानकारी पाएपछि इलाका प्रहरी कार्यालय महेन्द्रनगरबाट प्रहरी निरीक्षक अमिर कुमार दाहालसहितको टोली खटिएको थियो । त्यहाँ जम्मा भएको भिडभाड हटाउँदै गर्दा बम विष्फोट भएको थियो । बम विष्फोटमा दाहालको कोखामा छर्रा लागेको थियो । घटनामा राजेश साहको अन्दाजी १९ वर्षीया छोरी अञ्जली, १५ वर्षको छोरा प्रकाश र प्रहरी जवान रिजनाथ कुमार महतोको उपचार जारी छ । उनीहरुलाई जनकपुर प्रादेशि...

लुम्बिनी पत्र।नेपाली सेनाका उत्तर पश्चिम पृतनापती रथी सरोज विक्रम राणाले नेपाली समाजका हरेक वर्गका योग्य नेपाली नागरिक सहजै नेपाली सेनामा सहजै भर्ना हुन सक्ने बताएका छन्। नेपाली सेनाको भैरव प्रसाद गण इमाम नगर ब्यारेक बाँके अन्तर्गतको भैरव प्रसाद गण सुरक्षा गण गुलरियाले जिल्ला प्रशासन कार्यालय बर्दियाको सभा हलमा मीडिया तथा विभिन्न पक्षहरुसँग सैनिक नागरिक अन्तर्क्रिया कार्यकमलाई सम्बोधन गर्दै राणाले  माथिल्लो दर्जाका कर्मचारीको पहुच एवं रकमको भरमा सेनामा जागिर खान पाइन्छ भन्ने भ्रममा  नबस्न सबैमा आग्रह गर्दै  योग्य नेपाली नागरिकले नेपाली सेनामा सहजै भर्ना हुन सक्ने  प्रष्ट पारे। नेपाली सेना प्रति नागरिकहरुको धारणा र सेना तथा नागरिक बीचको दुरी कम गर्ने उद्धेश्यले आयोजना  गरेको कार्यक्रममा नेपाली सेनामा देखिएका कमि कमजोरी, सुधार गर्नुपर्ने पक्ष तथा आलोचनात्मक विचारहरुको समष्टिगत धारण बुझि अगामी दिनमा  नागरिक प्रति थप जिम्मेवार एवं उत्कृष्ठ नेपाली सेना बनाउनमा सबैबाट सहयोग हुनु पर्ने उनको भनाइ छ।  उत्तर पश्चिम पृतनापती रथी राणाले  नागरिकबाट प्राप...

लुम्बिनी पत्र। जिल्ला विपद् व्यवस्थापन समितिले जाडो मौसममा हुने शीत लहर,वर्षा, हुस्सुबाट पर्ने असरबाट आममानिसलाई सुरक्षित बनाउन स्थानीय तह, स्वास्थ्य इकाई, प्रहरी इकाई तथा  जिल्लास्थित सरोकारवालाहरुलाई विशेष कार्यकम  बनाई कार्यान्वनमा ल्याउन निर्देशन दिएको छ।  जिल्ला विपद् व्यवस्थापन समितिका  अध्यक्ष प्रजिअ प्रेमलाल  लामिछानेको अध्यक्षतामा बसेको बैठकले शीत लहरबाट सर्वसाधारणलाई जोगाउन उच्च जोखिममा रहेका नागरिकको तथ्याङ्क लिने र प्रशासनिक एव सुरक्षा निकाय, राजनीतिक दल, नागरिक समाज ,सङ्घ संस्था सबैको सहयोगमा प्रभावित जनतामा आवश्यकताअनुसार न्यानो कपडा ,औषधी, स्वास्थ्यकर्मी दाउराको व्यवस्थापन गर्न समेत स्थानीय तह सघ संस्थालाई निर्देशन दिएका छन्। प्रजिअ लामिछानेले सरकारका सबै निकायहरु उच्च शतर्कता अपनाउने सम्वन्धमा समेत निर्देशन दिएका छन्। चिसो तथा शीतलहर पहिचान फाराम मार्फत प्रभावित पहिचान गरी राहत वितरणका लागि नामावली तयार गर्न, स्वास्थ संस्थाका कर्मचारीहरु लामो बिदामा नबस्न निर्देशन दिएको छ। बैठकले जिल्लाका व्यापारीहरुलाई कम्बल कम्बल स्टक राख्ने ब्यवस्था मिला...

लुम्बिनी पत्र। पूर्व गृहमन्त्री तथा संघीय सांसद जनार्दन शर्मा प्रभाकरले  शिक्षा, स्वास्थ्य र रोजगारी तथा उत्पादनमूलक क्षेत्रमा मात्र काम गर्न स्थानीय तहहरुलाइ आग्रह गरेका छन्। बर्दिया जिल्लाको मधुवन नगरपालिकामा तेस्रो विद्यालय अन्तर मेयर कप तथा १२ औं राष्ट्रिपति रनिङ शिल्ड प्रतियोगिताको खेलाडी छनौट कर्यक्रमको उद्घाटन गर्दै उक्त  बर्दियाको कृषिमा आधुनिकीकरण गरी छिटोछरितो समृद्धि हासिल गर्न गराउन संघ, प्रदेश र स्थानीय सरकार हरुलाई सुझाव दिए। संघीय सरकारले पनि कृषिमा आधुनिकीकरण गर्ने  काम बर्दियाबाट नै सुरुवात गर्ने लक्ष्य राखेको उनको भनाइ छ।   खेल राष्ट्रियताको प्रतिक रहेको र खेलले गतिशिलता, अनुशासन, सिर्जनशीलता, बौद्धिकताको बिकास गर्ने बताउँदै  पूर्व गृहमन्त्री शर्माले राष्ट्रको पहिचान र समृद्धितर्फ डो–याउने खुट्किलो माध्यम खेलकुद रहेको बताए। खेलको प्रतिस्पर्धा मैत्रीपूर्ण र स्वस्छ रहेकोले शिक्षण सिकाई तथा शैक्षिक उन्नतीमा पनि खेलकुदमा सघाउ पु–याउने उनको भनाइ छ। कार्यक्रममा पुर्व पशुपंक्षी बिकास मन्त्री तथा संघीय सांसद सन्तकुमार थारुले खेलकुदको बिकास...

लुम्बिनी पत्र । नागरिक पश्चिमेलीका स्थानीय सम्पादक कमल खत्री भ्रष्ट्राचार विरुद्ध काम गर्दै आएको बागेश्वरी असल शासन क्लब(बास)ले हरेक वर्ष प्रदान गर्दै आएको बास ब्राइटल्यान्ड युवा पुरस्कार २०१९ बाट पुरस्कृत भएका छन्। भेरी प्राविधिक शिक्षालयमा मंसिर २३ मंगलबार भएको कार्यक्रममा खत्री सम्मानित भएका हुन् । भ्रष्ट्राचार विरुद्धको अन्तराष्ट्रिय दिवस तथा बासको १९औ वार्षिकोत्सवको अवसरमा भएको इन्टिग्रिटी फेस्टिवल खत्रीलाई राष्ट्रिय सुचना आयोगका प्रमुख सुचना आयुक्त कृष्ण हरि बास्कोटा, बासका अध्यक्ष रमेश सिटौला, बाँकेका प्रमुख जिल्ला अधिकारी कुमार बहादुर खड्का, बासका निर्देशक नमस्कार शाह लगायतले अवार्ड प्रदान गरेका थिए । नागरिककर्मी खत्रीले अनुसन्धानमुलक समाचारको माध्यमबाट भ्रष्ट्राचार न्युनिकरणमा योगदान गरेको भन्दै अवार्ड प्रदान गरिएको आयोजक बासले जनाएको छ । पत्रकार खत्रीले विगत ७ वर्ष देखि नागरिक दैनिकमा आवद्ध भएर भष्ट्राचार र अनुसन्धानमुलक समाचार खेल्दै आएका छन । असल शासन साप्ताहिकबाट पत्रकारिता सुरुआत गरेका खत्रीले नेपाल समाचारपत्र, न्युज २४, पश्चिम सरोकार लगायतका मिडियामा काम गर्नु ...

लुम्बिनी पत्र। अनुसन्धानमा रहेका थुनुवालाई छुटाउन सेटिङ मिलाउन भन्दै थुनुवाका आफन्त सङ्ग रकम माग्ने एक व्यक्ति प्रहरी नियन्त्रणमा परेका छन्। गुनपा  १० कृष्णसारटोल बस्ने बर्ष ३८ का बिनोद चौधरी बिचौलियालाई बर्दिया प्रहरीले नियन्त्रणमा लिएको प्रहरी उपरीक्षक राजेश नाथ बास्तोलाले बताए।

लुम्बिनी पत्र । ट्राफिक प्रहरी कार्यालय बर्दियाले सवारी चेकजाँचमा कडाइ तथा सचेतना अभियानलाई प्रभावकारी रूपले सञ्चालन गरेको छ। जिल्ला प्रहरी कार्यालय बर्दियाका प्रमुख राजेश नाथ बास्तोलाको नियमित समन्वयमा चेकजाँचमा कडाइ गरिएका कारण राजश्व संकलन बढेको छ भने  समुदाय प्रहरी साझेदारी अन्तर्गत संचालन गरिएका ट्राफिक सचेतनाका कार्यकमहरुले दुर्घटना न्यूनीकरण मा सघाउ पुगेको छ। । बर्दिया ट्राफिक प्रहरीले सवारी चेक जाँचमा कडाइ गर्दा गत आर्थिक वर्ष ०७५ /०७६मा १४हजार १ सय ९४ सवारीसाधनमा कारबाही गरी ७८लाख ८०हजार राजश्व संकलन गरेको छ।   चालू आर्थिक वर्षको साउनमा १०४८ सवारी कारबाही गरी ६लाख ६हजार, भदौमा १०२९ सवारी कारबाही गरी ५लाख ८३ हजार,असोजमा ९४९ सवारीसाधन कारबाही गरी ५लाख ४१हजार ५०० र कार्तिकमा १००५ सवारीसाधन कारवाही गरी ५लाख ४९हजार ५०० रुपियाँ राजश्व संकलन गरेको ट्राफिक प्रहरी प्रमूख मल्लले बताए। काठमाडौं a२०७६ वैशाख १७ गते जिल्ला ट्राफिक प्रमुखका रूपमा मल्ल आए यता राजश्व संकलन बढ्नुका साथै  दुर्घटना न्यूनिकरणका लागि समुदाय प्रहरी साझेदारी अन्तर्गत ट्राफिक सचेतनाका कार्यकमह...

लुम्बिनी पत्र।समुदाय-प्रहरी साझेदारी अन्तर्गत जिल्ला प्रहरी कार्यालय बर्दियाले लैङ्गिक हिंसा बिरुद्धको १६ दिने अभियानलाई विशेष कार्यक्रमको रुपमा मनाएको छ। अभियान सुरु भएको दिन २५ नोभेम्बर देखि १० डिसेम्बर सम्म  ८ वटा स्थानिय तहका सबै वडाभित्र हिंसाबाट पिडित समुहलाई लक्षित गरी बर्दिया प्रहरीले १५५ वटा सचेतनामुलक कार्यक्रम संचालन गरेको प्रहरी उपरीक्षक राजेश नाथ बास्तोलाले बताए। जिल्लाका ८ स्थानीय तहका ७५ वटै वडामा लैङ्गिक हिंसा,मानव बेचबिखन,लागू औषध, बाल विवाह नियन्त्रण बारे प्रहरीको नेतृत्वमा सचेतनामुलक कार्यकम भएको बास्तोलाको भनाइ छ। अभियान समापनको दिन मंसिर २४ गते  बिहान ८:३० बजे जिल्ला प्रहरी कार्यालय बर्दिया, राजापुर नगरपालिका, महिला विकास शाखा अन्य सरोकारवाला संस्थाहरुको ब्यापक सहभागितामा  राजापुर बजारमा प्रभातफेरी निकालिएको छ।प्रभातफेरी पछि राजापुर नगर उप प्रमुख मनकला चौधरीको अध्यक्षता र प्रजिअ प्रेमलाल लामिछानेको प्रमुख आतिथ्यता, प्रहरी उपरीक्षक राजेश नाथ बास्तोलाको विशेष आतिथ्यता मा अन्तर्क्रिया कार्यकम गरिएको छ।  समानताको पुस्ता, बलात्कार बिरुद्ध एकेबद्धत...

लुम्बिनी पत्र । बर्दियाका प्रजिअ प्रेमलाल लामिछानेले इमान्दार भई छिटोछरितो सुशासन युक्त, जनमैत्री र गुणस्तरीय सेवा प्रवाह गर्न कर्मचारीहरुलाई निर्देशन दिएका छन्। राजापुर गेरुवा क्षेत्रका बैंक वित्तीय संस्था सरकारी कार्यालयका कर्मचारीहरुसँगको बैठक तथा परिचयात्मक कार्यकमलाई इलाका प्रशासन कार्यालय राजापुरमा सम्बोधन गर्दै प्रजिअ लामिछानेले  समय पालना गरी  ढिलासुस्ती नगरी अनुशासित भई प्रभावकारी रूपमा सेवा प्रवाह गर्न निर्देशन दिए। सरकारी सम्पत्तिको संरक्षण,हिफाजत र सदुपयोगमा ध्यान दिन कर्मचारीहरु लाई  निर्देशन दिँदै प्रजिअ लामिछानेले  व्यक्तिगत सम्पत्ति जस्तै सार्वजनिक सम्पतिलाई माया गर्नुपर्ने बताए। कार्यालय र कर्मचारीको सुरक्षा , भौतिक सम्पत्ति , दरबन्दी र पदपूर्ति बारे जानकारी लिँदै प्रजिअ लामिछानेले सार्वजनिक सम्पत्तिको सुरक्षामा ध्यान दिन स्थानीय तहको ध्यानाकर्षण गराए। सार्वजनिक जग्गाको व्यवस्थापन, बजार अनुगमन, नदीजन्य पदार्थको उचित व्यवस्थापनमा स्थानीय तहका कर्मचारीहरुले ध्यान दिनु पर्ने भन्दै प्रजिअ लामिछानेले   एक रुपियाँ पनि बेरुजु नराख्न सुझाव दिए।...