ट्राफिक प्रहरीद्वारा चम्कने स्ट्रीकर लगाउने अभियान

लुम्बिनी पत्र। सवारी दुर्घटना न्युनीकरण गर्न बर्दियामा ट्राफिक प्रहरीले चम्कने स्ट्रीकर लगाउने अभियान सुरु गरेको छ।  चिसो मौसममा बाक्लो मात्रामा हुस्सु लाग्दा हुने दुर्घटना रोकथाम गर्न ट्राफिक प्रहरीले ट्याक्टरको बयल गाडा, अटो रिक्सा, साइकलमा ‘रिफ्लेक्टर स्टिकर’ टाँस्ने अभियानलाई ब्यापकता दिएको छ ।
आजदेखि सञ्चालन भएको अभियानका क्रममा गुलरियामा प्रमुख जिल्ला अधिकारी प्रेमलाल लामिछाने, प्रहरी नायव उपरीक्षक विश्वराज खड्का, ट्राफिक प्रमुख लोकेन्द्र मल्ल,लायन्स क्लब अफ बर्दियाका अध्यक्ष माधव कुवर, पुर्ब  अध्यक्ष शमनोज कुमार वर्मा, जिल्ला स्थित बिभिन्न प्रा.ली.का पदाधिकारीहरु,स्थानीय ब्यक्तित्वहरुले  अटो रिक्सा , साइकल, बयल गाडामा  रिफ्लेक्टर स्टिकर टाँसेका छन् ।  पुस ९ गते समुदाय प्रहरी साझेदारी कार्यक्रम अन्तर्गत जिल्ला प्रहरी कार्यालय बर्दिया सामुदायिक सेवा केन्द्र र यस कार्यालयको आयोजना तथा लायन्स क्लब अफ बर्दियाको सहकार्यमा  जिल्ला बर्दिया गुलरिया न.पा.०७ सहिदगेट स्थित राजापुर - नेपालगंज सडक खण्डमा हुस्सुका कारण हुनसक्ने सवारी दुर्घटनालाई न्युनिकरण गर्नका लागी अ.२०० ओटा सवारीसाधनका चालकहरुलाई सम्झाई-बुझाई तथा ट्रेकटर,ई-रिक्सा,टागा,गोरु गाडा,साईकलहरुमा चम्कने स्ट्रीकर लगाईएको छ। ‘बाक्लो हुस्सु लागेको बेला जथाभाबी रोक्ने हुँदा सवारी साधनमा अनिवार्य रिफ्लेक्टर स्टिकर राख्न लगाएका छौं, धेरैजसो ट्याक्टरले स्टिकर टाँसेका छन्,’  बर्दियाका ट्राफिक प्रहरी प्रमुख मल्लले लुम्बिनी सँग भने।
ट्राफिक प्रहरीका अनुसार चिसो मौसममा हुने अधिकांश दुर्घटना ट्याक्टर, अटो रिक्सा र जिपका  कारण हुने गर्छन् ।
ट्याक्टरको ट्रलीमा रिफ्लेक्टर स्टिकर टाँसेपछि पछाडिबाट आउने अन्य सवारी साधनका चालकले सजिलैसँग देख्न सक्ने भएकाले दुर्घटना हुन पाउँदैन । जनचेतना मुलक कार्यक्रमबाट सवारी साधनमा आरक्षण सिट भए नभएको, लामो दूरीका सवारी साधनमा दुई चालक राखे नराखेको, मापसे तथा सवारी साधनको गति, अनटेस् मोटरसाइकल लगायतलाई चेकजाँच गरिएको जिल्ला  ट्राफिक प्रहरी कार्यालयका कृष्ण डाँगीले बताए ।
‘जसले ट्राफिक नियम विपरितको काम गरेको छ, ती सवारी साधनको चालकसँग दुई मिनेट समय लिएर सम्झाउने गरेका छौं,’ ट्राफिक प्रमुख मल्लले भने । अभियानका क्रममा सर्वसाधारणलाई जेब्रा क्रसिङको प्रयोगबारे पनि जानकारी दिइएको उनले बताए ।

Comments

Post a Comment

Popular posts from this blog

बस्याल पुलिस अफ द मन्थ भए

Image
लुम्बिनी पत्र । जिल्ला प्रहरी कार्यालय बर्दियाका प्रहरी सहायक निरीक्षक सुनिल बस्याल कार्तिक महिनाको पुलिस अफ द मन्थ घोषित भएका छन।                                                       कार्तिक ३० गते ५८ किलोग्राम लागू औषध चरेस सहित ५ जनालाई पक्राउ गर्न सफल भएका प्र स नि  बस्याललाई बर्दियाका प्रहरी प्रमुख राजेश नाथ बास्तोलाले पुलिस अफ द  मन्थ घोषणा गर्दै पुरस्कार तथा प्रमाण पत्र प्रदान गरेका हुन्।  प्रहरी उपरिक्षक बाँस्तोलाले बस्यालको कमाण्डमा खटिएका प्रहरी कर्मचारीहरु  प्रहरी हवल्दार नन्दकिशोर बर्मा,प्रहरी जवान सिता खड्का र प्रहरी जवान बिरेन्द्र खत्रीलाई समेतलाई नगद पुरुस्कारबाट पुरस्कृत गरेका छन्।     जिल्ला प्रहरी कार्यालय मातहतका   प्रमुख हरुको समीक्षा बैठकमा  बस्याल लगायत ४ जना  प्रशंसित तथा पुरस्कृत भएका हुन्।       
Read more

व्यक्ति तथा श्रोत नखुलेको भारतिय रुपैया बरामद

Image
लुम्बिनी पत्र। बर्दियामा व्यक्ति तथा श्रोत नखुलेको भारतिय रुपैया बरामद भएको छ। वैशाख २६ गते बिहान ०९.३० बजेको समयमा बर्दियाको राजापुर न.पा.४ कैलाली र बर्दियाको सिमाना सत्तिघाट पुलमा स्रोत नखुलेको भारतिय नोट रु. १७ लाख ५० हजार नेपालीमा हुन आउने रकम रु.२८ लाख  बरामद गरिएको हो । टिकापुरबाट नेपालगंज जादै गरेको सु.प.प्र.०१-००८ प ८१४५ नं.को १५० सि.सि.पल्सर मो.सा.चालक टिकापुर न.पा.१ टिकापुर बस्ने बर्ष २९ को गोपाल चौधरीको साथमा रहेको स्रोत नखुलेको भारतिय नोट रु. १७लाख ५० हजार (नेपालीमा हुन आउने रकम रु. २८ लाख) बरामद भएको हो ।  निज व्यक्तिलाई मोटरसाइकलसहित नियन्त्रणमा  लिएको सशस्त्र  प्रहरी बल नेपाल ३१ नम्बर गण बर्दियाले जनाएको छ ।   बिओपि राजापुर बर्दियाबाट  सप्रनानि मोतिराज अधिकारीको कमाण्डमा ५ जना र ईलाका प्रहरी कार्यालय राजापुर बर्दियाबाट प्र.नि.सन्तोष घिमिरेको कमाण्डमा खटिएको ५ जनाको सयुक्त टोलीले चेक प्वाईन्ट थापी चेक जाँच गर्दा  सो रकम बरामद भएको हो । चौधरी बाट निजले प्रयोग गरेको मोटरसाईकल थान-१, ल्यापटप थान-१ मोबाईल थान-१, सिमकार्ड NTC र Ncel...
Read more

डा. संकेत को नेतृत्वमा एक्स जेनेरेसनद्वारा राजापुरमा नि:शुल्क स्वास्थ्य शिविर सम्पन्न

Image
लुम्बिनी पत्र  । बर्दियाकोराजापुरमा नि:शुल्क स्वास्थ्य शिविर सम्पन्न भएको छ।   शिविरमा  बर्दिया निवासी समाजसेवी एवम् भेरी अस्पताल नेपालगन्जका वरिष्ठ फिजिसियन डा. संकेत रिसाल को नेतृत्वमा रहेको चिकित्सक टोलीले स्वास्थ्य जांच गरेको छ ।  विगतमा राजापुरमा लामो समय शिक्षा प्रदान गरेको श्री गणेश बाबा बोर्डिङ स्कुलका पुर्व विद्यार्थीहरुले उक्त स्वास्थ्य शिविर गरेका हुन्। करिब डेढ दशकदेखि नेपालगन्जमा विभिन्न इभेन्ट गर्दै आएको एक्स जेनेरेसन, नितेश कन्स्ट्रक्सन राजापुर बर्दिया,तुलसी निर्माण सेवा बर्दिया,राजापुर राइस मिल राजापुरको आयोजनामा उक्त शिविर भएको एक्स जेनेरेसनका प्रेसिडेन्ट संयोगजंग शाहले बताए। राजापुर वासीहरुलाई स्वास्थ्य सम्बन्धि जानकारी दिने र भेरी अंचल अस्पतालका दक्ष चिकित्सकहरुद्वारा स्वास्थ्य जाँच गराउने उद्देश्य आयोजना गरिएको शिविर राजापुर उद्योग वाणिज्य संघ बर्दियाको प्राङ्गणमा भएको छ। शिविरमा फिजिसियन डा. संकेत रिसाल,  डा.पारस श्रेष्ठ , स्त्रीरोग बिशेषज्ञ डा. नवीन बुढाथोकी,  न्युरो सर्जन डा. हरी पौडेल को टिम छ। यो शिविरमा चेकजाच र ...
Read more